"Bu adım suğışnı tuqtatu öçen ide"

Amerika Quşma Ştatları dӓwlӓt başlığı Donal’d Tramp İran İnqıylap gvardiyase armiyaseneñ Qudüs köçlӓre komandirı Qasıym Sölӓymanineñ AQŞ höcümendӓ üterelüe belӓn bӓyle bularaq: “Suğış başlatu öçen tügel, suğışnı tuqtatır öçen bu adımnı yasadıq,” – dide.

Amerikan ilbaşı Tramp Sölӓymanineñ üterelüenӓ qarağan berençe açıqlawın yal itӓrgӓ kitkӓn Florida ştatında yasadı.

Tramp Sölӓymanineñ İnqıylap gvardiyase armiyasendӓ ozaq yıllar buyı şaqtıy amerikannıñ üterelüendӓ cawaplı buluın belderde, şulay uq İranlı komandirnıñ şaqtıy yaña höcüm planı yasawın hӓm monı tuqtatu öçen ӓlege höcümne oyıştıruların ӓytte.

Ğiraqtağı AQŞ ilçelegenӓ oyıştırılğan höcümne xӓterlӓtkӓn Amerikan dӓwlӓt başlığı tübӓndӓgeçӓ dӓwam itte: “Barlıq diplomatlarıbız, personalıbız hӓm berlektӓşlӓrebezne saqlar öçen bar nӓrsӓne dӓ başqaraçaqbız. Alarğa zarar kitersӓgez, sezne tabıp, yuqqa çığarırbız.”

İran xalqın xörmӓt itüen ӓytkӓn Tramp: “İranda rejimnı üzgӓrtergӓ telӓmibez. Lӓkin İran rejimınıñ töbӓktӓge suğışları betӓrgӓ tiyeş,” – dide.