“Solıx söyläşüläre öçen utnı tuqtatu iğ’lan itärgä kiräk”

Äfganstan xökümäte Taliban belän solıx söyläşüläre başlatu öçen utnı tuqtatu iğ’lan itärgä çaqırğan.

İlbaşı idaräseneň süzçe urınbasarı Latif Mahmudi çın mäğ’näsendä tınıçlıq urnaştıru öçen utnı tuqtatu iğ’lan itü ,Äfganstan xökümäte belän Taliban arasında turıdan –turı solıx söyläşülären başlatu häm terror oyaların yuqqa çığaru kiräklegen beldergän.

Mahmudi utnı tuqtatudan soň söyläşü ötäle artına utıraçaqların häm problemalarnıň dalog yulı belän çişelä aluın citkergän.

Ul Äfganstan xökümäte häm xalqınıň tınıçlıq teläwenä basım yasağan.

Amerika Quşma Ştatları ilbaşı Donal’d Tramp AQŞ belän Taliban arasında 2018 nçe yılnıň dekabr’ ayınnan birle däwam itkän solıx söyläşülären 5 nçe sentyabr’dä Äfganstandağı AQŞ ğaskärlärenä oyıştırılğan häm cawaplılığın Taliban üz östenä alğan bombalı höcümnän soň ğamäldän çığarğan ide.

Söyläşülär tuňdırılğannan soň Taliban solıx söyläşülären däwam itterü öçen mäs’äläne çişü yulın Rusiyädä êzläde häm Mäskäwgä wäkillek cibärgän ide.