AQŞ üz watandaşların Ğıyraqtan kitärgä çaqırdı
“AQŞ watandaşları mömkin bulsa hawa yulı belän, yuqsa başqa illär arqılı Ğıyraqtan kitärgä tiyeş,”-diyelä belderüdä
1334177
Amerika Quşma Ştatları üz watandaşların aşığıç räweştä Ğıyraqtan kitärgä çaqırdı. AQŞnıñ Bağdad ilçelegennän yasalğan belderüdä monıñ säbäbe itep regionda kiyerenkelekneñ artuı kürsätelä. “AQŞ watandaşları mömkin bulsa hawa yulı belän, yuqsa başqa illär arqılı Ğıyraqtan kitärgä tiyeş,”-diyelä belderüdä. Anda äytelgänçä, İran taraflı suğışçan köçlärneñ AQŞ ilçelegenä höcümnäre säbäple konsullıq xezmätläre tuqtatıldı. Belderüdä watandaşlarnıñ ilçelek binasına yaqınlaşmawları sorala. Barlıq êşlär Ärbildäge konsullıq kanalı aşa alıp barıla.
Ğıyraqtağı yaqınnarı öçen borçıluçılarnı däwlät departamentı belän êlemtägä kerergä çaqıralar.