Protestçılarnı AQŞ ilçelege yanınnan qudılar
Protestçılar AQŞnıñ Bağdadtağı ilçelege yanında çatırlar quyğan ide
1333344
Ğıyraq urtaq operaśiyälär komandalığı AQŞnıñ Bağdadtağı ilçelege qarşında çara uzdırğan Xaşdi Şabi oyışması tarafdarlarınıñ barısınıñ töbäktän çığarıluın belderde. Protestçılarnıñ qorğan çatırların da sütkännär.
Belderüdä äytelgänçä, AQŞ ilçelegeneñ iminlege Ğıyraq köçläre tarafınnan täêmin itelgän. Diplomatik missiyä isä barlıq konsullıq êşläreneñ tuqtatılıp toruın xäbär itä.
Xaşdi Şabi oyışması üz tarafdarların AQŞ ilçelege yanınnan kitärgä çaqırdı, ämma Xizbullax brigadası yaqlılar bu möräcäğat’ne kire qağıp mäydanda qaldı.
Ğıyraq xökümäte räise Adil Abdulmäxdi dä aldağı könne yasağan yazmaça açıqlawda Xaşdi Şabi tarafdarların AQŞnıñ Bağdadtağı ilçelege qarşınnan aşığıç räweştä kitärgä çaqırğan ide.
