Bank talawçı urlanğan aqçaların hawağa atqan

AQŞnıñ Kolorado ştatında ber bank talawçı “Raştua qotlı bulsın” dip qıçqırıp urlağan aqçaların bank qarşında hawağa atıp çäçä. Cirle matbuğat çaralarında çıqqan xäbärlärgä qarağanda, älege keşe - aq saqallı 65 yäş’lek Dêvid Uêyn Oliver. Anıñ urlanğan 10 meñ dollar tiräse aqçanı yanınnan ütüçelär östenä çäçüen belderälär.

Bankta êşläwçelär talaw waqıtında qoral belän qurqıtıluların alğa sörä. Poliśiyä isä waqıyğada qoral qullanılu belän bäyle êzlär tabılmawın äytä.

Şahitlär Olivernıñ banktan çığuğa uq qapçıqtan aqçalar alıp hawağa atuın häm Raştua belän täbrikläw süzläre aqıruın söyli. Yuldan uzuçılar cıyğan aqçalarnı kire bankka tapşırğan.

Oliver şunnan soñ bank yanındağı ber kafeğa kerep utırğan häm birelü öçen poliśiyäne kötkän. Xäzer ul saq astında.