Törkiyägä maqtaw süzläre

Paqıstan xökümäte räise İmran Xan Törkiyägä möhacirlär mäs’äläsendäge tırışlıqları öçen räxmät belderde. Ul Şveyśariyäneñ Jeneva şähärendäge BMO ofisında kiçä başlanğan 1nçe Bötendön’ya möhacir forumında çığış yasadı. İmran Xan süzen: “Törkiyä ilbaşı häm törek xalqına dön’yadağı iñ küp möhacirlärne sıyındıruı öçen räxmätläremne belderäm,”-dip başladı. Ul berni dä êşlänmäsä, tağın da zur qaçaq krizisınıñ yaqınlaşuı turında kisätte.  

Xan üzeneñ çığışında Käşmir mäs’äläsenä dä qağıldı. Ul 5nçe avgusttan birle 8 million käşmirleneñ törmädä şikelle yäşäwen häm Hindstannıñ yaña ber krizisqa säbäpçe buluın söyläde. Bu mäs’älädä İmran Xan böten dön’yanı kisätte. “Paqıstanda barı tik möhacir krizisı çığa aluına borçıluıbız tügel. Bu mäs’äläneñ ike atom-töş qorallı il arasında bäreleşkä yul açaçağın uylıybız,”-dide ul.

İmran Xan Hindstandağı yaña watandaşlıq qanunınıñ möselmannarğa qarata diskriminaśiyä buluın da assızıqladı.