Finlyandiyä DEAŞlı watandaşların qabul itä

Finlyandiyädä xökümätneñ Süriyädä qalğan DEAŞ belän bäyläneşle watandaşlarınnan xatın-qız häm balalarnı ilgä kire qaytaru qararı parlamentta yaqlandı. Tawış birüdä xökümät 79 qarşı, 110 uñay tawış belän ışanıç votumı aldı. Raslanğan qararğa kürä, Süriyädäge Äl Xol lagerendä yäşäwçe Finlyandiyä watandaşı bulğan balalar tiz arada ilgä qaytarılaçaq. Änilärenä qağılışlı  qarar isä ayırım-ayırım tikşerelep çığarılaçaq.

Oppoziśiyädäge çiktän tış uñçı Çın finnar partiyäse belän anıñ yaqlı Milli koaliśiyä firqase DEAŞ belän bäyläneşle Finlyandiyä watandaşlarınıñ ilgä qaytarıluınıñ qurqınıçsızlıqqa citdi yanaw tudıraçağın alğa sörä.

İlneñ tışqı êşlär ministrı Pekka Xaavisto, xökümät belän kiñäşläşmiçä, barı tik ilbaşın xäbärdar itep kenä DEAŞlı watandaşlarnı watannarına alıp qaytu öeçn operaśiyä başlarğa mataşuda ğayeplände.