Yaña Zelandiyädä yanartaw attı

Yaña Zelandiyäneñ Aq utrawında Vakaari yanartawı attı. Cirle matbuğat çaralarındağı xäbärlärgä qarağanda, köndezge säğat’ 3nçe yartılarda vulkannan köl bolıtı kütärelä başlağan.

Yanartaw atqan waqıtta utrawda yaqınça 100 keşe bulğan dip isäplänä. Şartlaw näticäsendä 20 keşeneñ yaralanuın belderälär. Alarnıñ cirlekne kürergä kilgän turistlar buluı farazlana. Yuğalğan keşelär dä bar.

Wäqalätle zatlar utrawğa qotqaru boralaqlarınıñ kilüen belderde. Cirlektä yäşäwçelärgä täräzälären yabıp öylärennän çıqmasqa kiñäş itelde.

Vakaari yanartawı soñğı tapqır 2001nçe yılda aktivlaşqan ide.