Urta diñgezdä 67 keşe ülde
Alarnı balıqçılar qotqarıp beterä almağan
1310257
Urta diñgezdä Liviyä yaqınnarında kiçä kiçke säğat’lärdä äylänep qaplanğan qaçaq köymäsendäge 67 keşeneñ ğomere özelde.
İtaliyäneñ ANSA agentlığı xäbärenä qarağanda, ber balıqçı bäysez aşığıç yärdäm oyışması “Alarmfon”ğa şaltıratqan. Ul qazağa oçrağan qaçaqlarnıñ 30ınıñ qotqarıluın, 67seneñ hälaq buluın beldergän.
Waqıyğanıñ şahitläre äytüençä, balıqçılar cirle waqıt belän kiçke säğat’ 5lär tiräsendä Tripoli sulıqlarında hawası çıqqan rezin köymä abaylap ala. Anıñ tiräsendä su êçendä tıpırçınuçı küp sanda keşe bula.
Balıqçılar Liviya yar buyı iminlek köçlärenä şaltıratıp qarağan, ämma êlemtägä kerä almağannar.