Yämändä yaqınça 12 million bala aşığıç humanitar yärdämgä moxtac

Berläşkän Millätlär Oyışmasınıñ balalarğa yärdäm itü fondı YUNİSEF nıñ Yämän wäkile Sara Beysolow Nyanti 20 nçe noyabr’ – Bötendönya balalar xoquqları köne mönäsäbäte belän yasağan belderüendä BMO ğomum şurasında imzalanğan Balalar xoquqları kileşüe buluğa qaramastan Yämänneñ balalar öçen dönyanıñ iñ naçar illärennän berse buluın belderde.

İldä däwam itkän bäreleşlärneñ il külämendä sośial’ xezmätlärne tuqtaw noqtasına kiterep citkerüen beldergän Nyanti Yämändä yaqınça 12 million ,yäğ’ni här balanıñ diyärlek aşığıç humanitar yärdämgä moxtac buluın citkerde.

Ul yämänle räsmi zatlarnı da kertep barlıq yaqlarnıñ balalar belän bäyle birelgän yöklämälärne cirenä citkermäwen xäterlätte.

1989 nçı yılnıñ 20 nçe noyabrennän birle 20 nçe noyabr’ Bötendönya balalar xoquqları köne itep bilgeläp ütelä.