Paketlarda - keşe gäwdäläre

Meksikada öleşlärgä ayırılğan gäwdälär tutırılğan poliêtilen paketlar tabıldı. Tikşerüçelär älegä qadär 12 mäyet sanağan.

Paketlarnı Gvadalaxara şähäre tiräsendäge ber öydä tabalar. 52 paketnıñ 33en tikşergännär. Alğa taba cäsäd sanınıñ artacağı farazlana.

Tikşerelgän 33 pakettağı gäwdä öleşläreneñ 7se ir-at, 5se xatın-qıznıqı.   

Äle sentyabr’ ayında ğına Gvadalaxara tirälärendä ber qoyıda 119 şundıy paket tabılğan ide. Andağı gäwdä öleşläreneñ 41 keşeneke buluı açıqlandı.

Meksikada 2006nçı yılda narkokartel’lärgä qarşı açılğan häm äle xaman däwam itüçe suğışta 300 meñnän artıq keşeneñ ğomere özelde. Bu prośessta 340 meñnän artıq meksikalı yäşägän urınnarınnan küçenergä mäcbür buldı, yaqınça 40 meñ keşe yuğaldı.