Angliyädä terrorçılıq yanawı kimede

Angliyädä terrorçılıq yanawı däräcäse “citdi”dän “ähämiyätle”gä töşerelde. Bu xaqta ilneñ êçke êşlär ministrı Priti Patel belderde. Ul yanaw däräcäseneñ üzgärüenä qaramastan terrorçılıqnıñ milli iminlek öçen turıdan-turı häm mizgellek qurqınıçlardan berse buluın däwam itüen söyli.  

Patel yanaw däräcäseneñ daimi räweştä tikşerelep toraçağın assızıqladı.

Angliyädä 5 yanaw däräcäse bar: “kritik”, “citdi”, “ähämiyätle”, “urtaça” häm “tübän”. “Ähämiyätle” däräcäse - terrorçılıq höcümeneñ ixtimalı zur buluın añlata.

Angliyädä soñğı yıllarnıñ iñ zur terrorçılıq ğamäle 2017nçe yılnıñ 22nçe mayında Mançester şähärendä terkälde. Konśert zalında bulğan bombalı höcümdä 23 keşe hälaq buldı, 59ı yaralandı. Monnan tış, başqala Londonda pıçaq belän taşlanu oçraqları terkälde.