Süriyäneñ yaña Konstituśiyäse yazıla başlıy

Süriyädäge taraflarnıñ qatnaşında Jenevada oyıştırılğan Konstituśiyä komitetı utırışlarınıñ berençe bülege tögällände.

BMOnıñ Süriyä maxsus wäkile Geyr Pedersen: “Berençe bülekne uñışlı tämamladıq,”-dide.

Konstituśiyä komitetı äğ’zaları Süriyäneñ yaña töp qanunın yazaçaq. Alarğa Pedersen citäkçelek itä. Ul 45 keşelek proyekt törkeme äğ’zaları mäs’äläsendä kileşügä baruların äytte. Älege törkem düşämbedän êşkä kereşäçäk.

Moña qadär 150 keşe qatnaşındağı utırışlarda rejim, oppoziśiyä häm ictimağıy oyışma äğ’zaları Konstituśiyä belän bäyle küreşlären täq’dim itte. Düşämbedän barı tik 45 keşelek redakśion törkemneñ genä utırışları baruı kötelä.

Süriyädä säyäsi çişeleş öçen oyıştırılğan Konstituśiyä komitetınıñ qarar birä aluı öçen äğ’zalarınıñ kimendä 75%ınıñ qabul itüe kiräk.