Ğıyraqtağı çaralar: 100 üle
Rizasızlıq çaralarında 6 kön êçendä 100 keşe ülde
1297461
Ğıyraqta comğa könennän birle däwam itüçe xökümätkä qarşı çaralar waqıtında ülüçelärneñ sanı 100gä citte. Bu xaqta ilneñ parlamentına bäyle Keşe xoquqları komissarlığı tarafınnan belderelde. Başqala Bağdad, ilneñ üzäk häm kön’yaq şähärlärendä soñğı 6 köndä baruçı protest çaralarında yaralanuçılarnıñ sanı isä 5 meñ 500 buluın xäbär itälär.
Ğıyraqlılar êşsezlek, korrupśiyä häm däwlät xezmätendäge kimçeleklärgä rizasızlıq belderep oktyabr’ ayı başında uq uramnarğa çıqtı. Ämma dini çara - Êrbayn tantanaları säbäple mitinglar tuqtatılıp torğan ide. Uzğan comğada ul qabat yalqınlanıp qabındı.