Kolumbiyädä cirle xalıqqa höcüm

Kolumbiyädä awıl cirlegendä qorallı höcüm buldı. Anda 5 keşe ülde.

İlneñ matbuğat çaralarında yazılğança, Kuauka administrativ töbägendä yäşäwçe sana cirle xalqınıñ ber törkemenä avtonom mäydannarında höcüm oyıştıralar. Nişanğa partul’ texnikası alına.  Anda qabiläneñ Kolumbiyä dairäläre tarafınnan tanılğan citäkçese Kristina Bautista häm anıñ 4 yuldaşı ülä, tağın 6 keşe yaralana.

İl matbuğatında höcümne êlekkege Kolumbiyä inqıylabçı qorallı köçläreneñ solıx kileşüen qabul itmägän terrorçıları oyıştıruı turında xäbärlär urın aldı.

Kolumbiyä däwlät başlığı İvan Duke sośial’ media aşa höcümne ğayepläde häm ğomere özelüçelärneñ ğailäläreneñ qayğısın urtaqlaştı. Ul waqıyğanı tikşerü öçen kürsätmä birüen häm iminlek köçläreneñ töbäkkä cibärelüen belderde.