Yämän balaları

Yämändä 6 millionnan artıq balanıñ 2014nçe yıldan birle däwam itüçe grajdannar suğışınnan turıdan-turı zarar kürüe açıqlandı.

 İlneñ mäşğul’lek häm sośial’ êşlär ministrlığınnan balalar xoquqları kileşüeneñ 30nçı yılı uñayınnan yazma belderü yasaldı. Anda äytelgänçä, suğış arqasında yaqınça 5 million bala uquın taşlap êşlärgä mäcbür. 2 million tiräse sabıy isä tuyğançı aşıy almıy.

Belderüdä xusilärneñ balalarğa mäcbüri räweştä mäzhäbçelekkä öyrätüe häm alarğa qoral tottıruınıñ çın faciğa buluı, bu wäzğıyät’neñ aşığıç räweştä tuqtatıluı kiräklege assızıqlana. Xökümät xalıqara cämäğat’çelekne balalar xoquqların saqlaw mäs’äläsendä xusilärgä basım yasarğa çaqırdı.

BMO mäğ’lümatlarına qarağanda, dön’yadağı iñ zur keşelek fäciğase däwam itüçe Yämändä här 10 minutta 5 yäş’tän keçkenä ber sabıy suğış arqasında ülä. İldä xatın-qızlar hm balalar yaqlawçısızlar isemlegendä iñ östä tora. İr balalar törle törkemnär tarafınnan mäcbüri räweştä suğışqa tartıla, qız balalar isä tormışqa totınu öçen keçkenä yäş’tä ük kiyäwgä birelä.  

Uqu yäşendägelärneñ dürttän bere belem almıy. 2 meñ 500gä yaqın mäktäp cimerek häm qullanılmas xäldä.