Xastaxanä astında - tunnel'

Süriyäneñ “Solıx çişmäse” xäräkätendä qotqarılğan Rasulayn rayonında separatist YPG/PKK terrorçı oyışmasınıñ xastaxanä astında qazığan tunnel’läre tabıldı. İñ asqı qatta divarğa yasalğan zur tişektän ütügä ike ayırım tunnel’ başlana. Alarnıñ rayon üzägendäge cir astı yulları belän totaşuı häm terrorçılarnıñ xastaxanägä kilep kitüe öçen qullanıluı farazlana.  

Şul uq waqıtta xastaxanädä iminlek çaraları kürüçe Süriyä milli armiyäse xärbiläre tunnel’neñ kerü urınına tozaq bombalar quyıluın açıqladı.

Êzläw-çistartu êşläre betep bina qurqınıçsız xälgä kilgännän soñ xastaxanäneñ yañadan xezmät kürsätüe planlaştırıla.

Terrorçılarnıñ, Rasulaynnan çigengändä tunnel’lär aşa xastaxanägä ütep, biredä cıyıluı häm monnan texnikaları belän yulğa çığuı açıqlandı.

Binanıñ aşığıç yärdäm bülegenä kerä torğan işek töbendä dä terrorçılar üzläre kiteşli yandırğan texnika kürenä.

Törkiyä beläñ AQŞnıñ 17nçe oktyabr’dä tözegän kileşüe qısalarında YPG/PKKlı terrorçılar Rasulaynnan Xasäkägä çigende.