Braziliyädä 7 qatlı bina işelde

Braziliyäneñ Seara töbägendä 7 qatlı bina işelde. Cimereklär astında qalıp 1 keşeneñ ülüen xäbär itälär.

Waqıyğa Forteleza şähäreneñ zatlı rayonnarınıñ bersendä bulğan. Yanğın sünderü idaräse wäkile Kleyton Bezerra cimereklär astınnan 10 keşeneñ yaralı kileş qotqarıluın, tağın 9 keşeneñ êçtä qalğan bulu mömkinlegen citkerde.

Binanıñ qayber öleşlärendä äle xaman işelü qurqınıçı bar. Şuña kürä, êzläw-qotqaru êşläre bik awırlıq belän alıp barıla.

Cimereklär astında qalğan keşelärneñ ikese kesä telefonı aşa yaqınnarı belän êlemtägä kergän.