Rumıniyädä xökümät töşte

Ruminıyädä xökümät räise Viorika Dênçilê tözegän xökümät parlamentta ışanmawnı belderü qararı qabul itelü näticäsendä töşte. İniśiativanı utırışta qatnaşuçı 298 xalıq ışanıçlısınıñ 238e yaqladı.

İlbaşı Klaus Yoxannis üzeneñ belderüendä: “Bügen Rumıniyä qazandı. Xökümätneñ töşüe - cämäğat’çelekneñ anıñ buldıqsızlığına reakśiyäseneñ tabiğıy näticäse,”-dide.

Dênçilê 2018nçe yılnıñ ğıynvarında wazıyfasına kereşep ildäge täwge xatın-qız xökümät räise buldı.