Urta diñgezdä qaçaq faciğase

Urta diñgezdä Lampedusa utrawı tiräsendä köymä äylänep qaplandı häm 13 qaçaq hälaq buldı. İtaliyä yar buyı iminlege älegä qadär 22 keşene qotqaruın xäbär itä. Qaza utrawğa 10 çaqrım yıraqlıqta bulğan.

İtaliyä tarafınnan yasalğan belderüdä äytelgänçä, ülüçelärneñ barısı da xatın-qız. Başqa yuğaluçılarnı tabu öçen êzläw-qotqaru êşläre däwam itä. Andıylarnıñ sanı 30 tiräse, 8e bala.

Köymäneñ Tunistan kilüen belderälär.

BMOnıñ migrantlar yuğarı komissarlığı süzçese Çarli Yaksli, uzğan atnada belderü yasap, Urta dingezdä bıyıl ğomere özelgän qaçaqlar sanınıñ mennän artuın äytte. Ul Awrupa Berlegeneñ regionda êzläw-qotqaru êşçänlegen qabat başlawı kiräklegen assızıqladı.