Xatın-qızlar armiyadӓ wazifa başqaraçaq
Mondıy qararnı Soğud Ğarӓbstanı qabul itte
1281405
Soğud Ğarӓbstanında xatın-qızlar armiyadӓ wazifa başqara alaçaq.
Soğud Ğarӓbstanınıñ Şarkul Avsat gazetı beldergӓnçӓ Saqlanu ministrlığı Soğud Ğarӓbstanı 2030 vizionı qısalarında törle üzençӓlektӓge xatın-qızlarnıñ xӓrbi wazifalarğa mörӓcӓğat’ itü mömkinlegen tudırdı.
Xӓbӓrdӓ xatın-qızlarnıñ Soğud Ğarӓbstanınıñ Ciröste, hawa hӓm diñgez köçlӓre, Strategik raketa köçlӓre hӓm Qorallı köçlӓr sӓlamӓtlek saqlaw xezmӓtlӓre ölkӓlӓrendӓ starşina, keçe ofiśer hӓm serjant dӓrӓcӓlӓrendӓ wazifa başqara alaçaqları belderelde.
Saqlanu ministrlığına bӓyle Milli saqlanu operaśiyalӓre üzӓge mödire, general-mayor Xӓsӓn eş-Şehri dӓ xatın-qızlarnıñ ilneñ iñ möhim ministrlığında wazifa başqaruınıñ döres yulda yasalğan adım itep taswirladı.