İrannan AQŞqa rizasızlıq

İran Tährandağı Şveyśariyä ilçelege aşa AQŞqa protest belderde. Anda ul Soğud Ğaräbstanınıñ neft’ ob’yektların şartlatu belän bäyle üzenä yünältelgän ğayepläwlärne kire qağa häm här höcümgä cawap biräçäge turında kisätä. Süz uñayınnan, Tähran belän Vaşington arasında diplomatik mönäsäbätlär yuq. Şuña kürä ike aradağı êlemtäne Şveyśariyä ilçelege aşa qora.  

İrannıñ yarımräsmi xäbär agentlığı İSNA yazğança, rizasızlıq xatı kiçä cibärelgän. Älege xat Soğud Ğaräbstanı neft’ ob’yektlarına höcümnän soñ AQŞ wäqalätle zatlarınıñ İrannı ğayepläp, ilgä xärbi tıqşınu belän yanawlarına cawap räweşendä.

İran Aramko ob’yektların şartlatuğa qatışı bulmawın äytä.