Malayziyä Mursi ğailäseneñ qayğısın urtaqlaşa

Malayziyä xökümäte Misırda törmädä ğomere özelgän ilneñ demokratik yullar belän saylanğan täwge däwlät başlığı Möxämmät Mursinıñ keçe ulı Abdulla Mursinıñ ülemeneñ qayğısın urtaqlaşa. 24 yäş’lek yeget bügen tönlä yöräk öyänägennän wafat buldı.

Malayziyä viśe-prem’yerı Wan Azizah Wan İsmail sośial’ media aşa mondıy yazma urtaqlaştı: “Misırnıñ êlekkege ilbaşı Möxämmät Mursinıñ ulı Abdulla Mursinıñ wafat buluı mine tirän borçuğa saldı. Ğailäse häm yaqınnarınıñ qayğısın urtaqlaşam. Bu awır çaqta doğalarım alar belän”.

Abdullanıñ ätise 67 yäş’lek Möxämmät Mursi da iyün’ ayında mäxkämä zalında yöräk öyänäge kiçerep ülde.