İmran Xan söyläşülär ütkärä

Paqıstan prem’yer-ministrı İmran Xan Cammu Keşmirdӓge soňğı wazğiyӓt’ xaqında Franŝiya dӓwlӓt başlığı Êmmanuêl’ Makron hӓm Yordaniya patşası Abdullah 2nçe belӓn telefonda söylӓşte.

Paqıstandağı Ministrlar kabinetı ofisınnan yasalğan açıqlawğa kürӓ Paqıstan prem’yerı İmran Xan Hindıstan Cammu Keşmirneň ayırmalı statusın betergӓnnӓn soň barlıqqa kilgӓn krizis belӓn bӓyle bularaq Makron hӓm Abdullahka telefonnan mӓğlümat birde.

Prem’yer-ministr ike liderğa Hindıstannıň ayırmalı statusın beterüeneň qanunsız hӓm ber yaqlı buluın ӓytte.

İmran Xan Makron belӓn ütkӓrgӓn söylӓşüendӓ Hindıstan ğamӓlgӓ kertkӓn uramğa çığu tıyuı arqasında Cammu Keşmir xalqınıň kiň qırlı izolyaŝiyağa duçar qaluın, töbӓktӓge keşe xoquqları hӓm iminlek problemalarınıň tağın da artuın citkerde.

Makron isӓ problemanıň tınıç yul belӓn çişelüeneň ӓhӓmiyӓten assızıqlap, Fransiyaneň töbӓktӓge tӓraqqıyӓt’lӓrne yaqınnan küzӓtep baruın belderde.

Makron belӓn İmran Xan töbӓktӓ tınıçlıq hӓm totrıqlılıqnı urnaştıru öçen xezmӓttӓşlekne dӓwam itterü mӓs’ӓlӓsendӓ kileşte.

Patşa Abdullah 2nçe dӓ problemanıň tınıç yullar belӓn çişelüe zarurlığın açıqladı.