"Kübräk xezmättäşlek telibez"

Rusiyӓ dӓwlӓt başlığı Vladimir Putin Mӓskӓwdӓ Törkiyӓ ilbaşı Ӓrdoğan belӓn bergӓ qatnaşqan Xalıqara Ğalӓm hӓm aviaŝiya yӓrminkӓse MAKS 2019nıň açılış tantanasında çığış yasadı.

Putin Rusiyӓneň aviaŝiya, ğalӓm ölkӓsendӓge uňışlarınıň ayıruça törek qunaqları belӓn ber rӓttӓn barlıq partnyerları iğtibarın cӓlep itӓçӓgenӓ ışanuın assızıqladı hӓm monıň da ike yaqlı xezmӓttӓşlek öçen yaňa mömkinleklӓr tudıraçağın belderde.

Putin belӓn bergӓ yӓrminkӓdӓge stendlarnı gizgӓn Ӓrdoğan aralarında Rusiyӓ yaňa xӓrbi oçqıçı Su-57 dӓ bulğan oçqıç hӓm boralaqlar turında mӓğlümat aldı.

İke lider açılışta çığış yasağannan soň yӓrminkӓne gizӓçӓk. Soňınnan Jukovskiy Xalıqara aêroportında ütkӓrelӓçӓk üzara hӓm wӓkilleklӓrara söylӓşüdӓn soň matbuğat oçraşuı uzdırılaçaq.

Söylӓşülӓrdӓ ike yaqlı mönӓsӓbӓtlӓr bar yaqlap qaralaçaq. Süriyӓ krizisı belӓn ber rӓttӓn qayber regional’ hӓm xalıqara mӓs’ӓlӓlӓr xaqında da fiker almaşu küzdӓ totıla.