Qıtayda Lekima tayfunı

Qıtaynıñ könçığışına bärgän Lekima öyermäsendä ğomere özelüçelärneñ sanı 45kä citte.

Şinxua agentlığınıñ xäbärenä qarağanda, 16 keşedän xäbär-xäter yuq.

Şimbä könne Ceśzyan vilayätenä bärgän tayfun anda 39 keşeneñ, kürşe An’xoy töbägendä 1 keşeneñ ülemenä kiterde.  

Yäkşämbe könne diñgez öyermäse tön’yaqqa taba kitte. Şandun’da ul 5 keşeneñ ğomere özelügä kiterde.

Cirlektä löçle yañğır häm cil täêsiren äle kimetmi. Öylärennän çığa almıyça qalğannarnı êzläw-qotqaru êşläre däwam itä.

Qıtayda bu 9nçı Lekima tayfunı. Belgeçlär anıñ 2014nçe yıldan birle iñ köçlese buluın belderä. Bu yulı annan barlığı 6 million keşe zarar kürde. İq’tisadi zıyan 2 milliard dollardan artıq.