Usama ben Ladennıñ ulı üldeme?
AQŞ räsmiläre dön'yaküläm terrorçınıñ ülüe turında söyli
AQŞ küzläw oyışması Äl Kaidanıñ êlekkege liderı Usama ben Ladennıñ ulı Xämzä ben Ladennıñ ülüe turında mäğ’lümatqa iyä dip farazlana.
İsemnären belderergä telämägän 3 wäqalätle zat Amerikanıñ NBC kanalına interv’yu birde. Alar Xämzä ben Ladennıñ isän bulmawına ışanuların belderä. Anıñ qayda, niçek ülüe häm AQŞnıñ mona qatnaşı bulu-bulmawı turındağı sorawlarğa cawap birmi.
Amerikanıñ CNN kanalına interv’yu birgän başqa yuğarı däräcäle zat isä Xämzä ben Ladennıñ ülemendä AQŞnıñ öleşe buluın, ämma detal’lärne söylämäyäçägen belderde.
Aq Yort Anadolu agentlığınıñ bu mäs’älä belän bäyle sorawlarına cawap birmäde. AQŞ ilbaşı Donal’d Tramp ta jurnalistlarnıñ qızıqsınuların qanäğat’länderüdän baş tarttı.
AQŞ däwlät departamentı mart ayında Xämzä ben Ladennıñ başı öçen 1 million dollar ışandırdı. Anı Äl Kaida oyışması êçendä üsüçe lider bularaq atadılar. Ul 2015nçe yıldan birle suğışçıların AQŞqa höcüm itärgä çaqıruçı videolar töşerüdä häm 2011nçe yılda üterelgän ätise Usama ben Laden öçen üç alırğa tırışuda ğayeplände.
Xämzä ben Laden 2017nçe yıldan birle “Maxsus identifikaśiyälängän dön’yaküläm terrorçı” statusında ide.
