Keşe belän säwdä itü
Urlanıp satıluçılarnıñ 30%ı iñ yaqlawçısız kisem - balalar
1242784
Bötendön’ya külämendä terkälgän keşelär belän säwdä qorbannarınıñ yaqınça 4tän 3en xatın-qızlar, 30%ın isä balalar alıp tora. Bu xaqta BMOnıñ narkotiklar häm cinayät’lär buyınça idaräse räise Yuriy Fedotov belderde.
Anıñ äytüençä, keşelär belän säwdä itü här ildä diyärlek bar. Ämma xoquq köçsez bulğan regionnarda bu cinayät’ tağın da yışraq oçrıy.
“Gumanitar krizislar häm bäreleşlär keşe belän säwdä itüçelärgä yaqlawçısız qalğan qorbannarın caylı awlıy ala torğan wäzğıyät’ tudıra,”-di Fedotov.
2003nçe-2016nçı yıllar arasında cinayät’çelär tarafınnan qulğa töşerelep satılğan 225 meñ keşe açıqlanğan. Belgeçlär fikerençä, bu qorbannarnıñ bik az öleşe.