Mandelanı iskä alalar

Dönyada irek häm kileşü liderı bularaq tanılğan Nelson Mandelanıñ tuuınıñ 101 yıllığı bilgeläp ütelä.

Berläşkän Millätlär Oyışması rasaçılıq häm irek däğ’wası köräşe uñayınnan 18 nçe iyül’ne Xalıqara Nelson Mandela köne itep iğ’lan itte.

Afrikanıñ tanılğan liderlarınnan Mandela öçen Kön’yaq Afrikanıñ küp kenä töbägendä iskä alu programmaları ütkärelä.

1918 nçe yılnıñ 18 nçe iyülendä dönyağa kilgän Mandela aparteid rejimğa qarşı çıqqan öçen 27 yıl törmädä utıra.

Ul 1990 nçı yılda irekkä cibärelä häm 1994 nçe yılda ilneñ demokratik yul belän saylanğan täwge qara tänle däwlät başlığı bula.

1999 nçı yılda wazıyfasınnan kitkän Mandela ikençe däwer öçen saylawda namzät bulunı qabul itmi.  

Törmälärdä küp ğazaplawlarğa duçar bulğan Mandela üç alu urınına 1999 nçı yılda däwlät başlığı wazıyfasınnan kitkännän soñ keşelek dönyasına faydalı êşlär başqaru öçen global’ tınıçlıq häm sälamätlek saqlaw kampaniyalarında qatnaşa.

Mandela il külämendä rasa yağınnan ayırıp qarawnı beterü öçen köräşä.

Nelson Mandela Kongo Demokratik Cömhüriyäte, Burundi häm başqa illärdä tınıçlıq söyläşülären äydäp bara, İzrailgä qarşı köräşüçe fälästinlelärgä yaqlaw kürsätä.

Ul 1993 nçe yılda Nobel’ Tınıçlıq bülägenä layıq bula.

3 tapqır öylänä häm 6 balası bula. 2013 nçe yılnıñ 5 nçe dekabrendä mäñgelekkä küzlären yoma.