Turbulentlıqqa tarığan oçqıçta 37 keşe yaralandı

Kanadadan Avstraliyägä oçuçı yulçı oçqıçınıñ turbulentlıqqa oçrawı näticäsendä 37 keşe yaralandı. 9ınıñ xäle ayıruça citdi. Bu xaqta Avstraliyä mediası xäbär itä.

Kanada hawa yulları şirkäteneñ Boingı Tın okeannıñ Gavayi zonası östendä kisäk kenä qurqınıç turbulentlıqqa oçrıy. Oçqıçta 269 yulçı häm 15 keşelek êkipaj bula. Dähşätle minutlardan soñ oçqıç Gavayi başqalası Gonoluluğa açığış räweştä töşep utıra.

Yulçılardan avstraliyäle Djess Smit sośial’ media xisabınnan urtaqlaşqan yazmasında oçqıçnıñ qatı selkenä başlawınnan uyanuın häm keşelärneñ oçqıçnıñ tüşämenä bärelüen kürüen söyli.    

Kanada hawa yullarınnan belderülärençä, yulçılar belän bäyle kiräkle êşçänleklär başqarılğan. Avstraliyägä oçışnı töşke säğat’lärdä däwam itü kötelä.