Awrupanıñ iñ zur qaçaqlar üzäge yabıldı

İtaliyädädä urnaşqan Awrupanıñ iñ zur migrantlar üzäge Mineo yabıldı. Ul Kataniya şähärenä yaqın bistädä ide. Anı İtaliyä êçke êşlär ministrı Matteo Sal’vini qatnaşında yaptılar. Räsmi zat üzäktä xezmät itkännärgä yaña êş tabaçaqların ışandırdı.

Sal’vini keçkenä häm kontrol’ astında totıluçı üzäklärneñ tağın da qullanılışlı bulacağın citkerde. Mineodağı soñğı migrant törkemen uzğan atnada başqa urınğa ozatqannar.

 Migrant üzäge iñ küp keşe bulğan waqıtında 2014nçe yılda 4 meñnän artıq qaçaqnı sıydırğan.