Tanılğan milliarder boralaq qazasında ülde
Qaza Bagama utrawları yanında bula
Kariblardağı Bagama utrawları sulıqlarında boralaq kilep töşü näticäsendä 7 keşeneñ ğomere özelde.
Cirle poliśiyä bülegennän yasalğan belderülärgä qarağanda, boralaqtağılarnıñ barısı da amerikalı. Alar AQŞnıñ Florida ştatına kitäse bulğan. Boralaq Grand Key utrawınnan kütärelep beraz waqıt ütkännän soñ radarlardan yuğala. Wäqalätlelär häm cirle xalıq utrawdan yaqınça 3 çaqrım yıraqlıqta anıñ qazağa oçrağan urının taptı. Poliśiyä boralaqta bulğan 4 xatın-qız häm 3 ir-atnıñ hälaq buluın belderde.
Qazanıñ säbäben açıqlaw öçen tikşerü başlandı.
AQŞnıñ Könbatış Virdjiniyä ştatında çığuçı “The Register-Herald” gazetı ülüçelärneñ berseneñ “kümer patşası” dip yörtelüçe şaxta tarmağındağı milliarder êşmäkär häm xäyriyäçe Kris Klayn buluın yazdı.
Bäyläneşle xäbärlär
"Xar’kovnı qulğa töşerü planıbız yuq"
Vladimir Putin Qıtaydağı säfäre qısalarında jurnalistlarnıñ sorawlarına cawap birde