Ğaräp şäyexeneñ ulı narkotiklardan ülde
Şardjanıñ täxet prinśı Xalid äl Kasımi Londondağı zinnätle öyendä üle kileş tabıldı
Berläşkän Ğaräp Ämirleklärennän Şardjanıñ täxet prinśı Xalid äl Kasımi Londondağı zinnätle öyendä üle kileş tabıldı.
Angliyä matbuğatında urın alğan xäbärlärgä qarağanda, bu Şardja ämire şäyex Soltan bin Möxämmät äl Kasıminıñ ikençe ulı. 39 yäş’lek prinśnıñ üle gäwdäsen Angliyä başqalasınıñ lyüks rayonı Naytsbridjda düşämbe irtän tabıp alğannar.
Poliśiyä çığanaqlarınnan alınğan mäğ’lümatlarğa qarağanda, şäyexnıñ ulı model’yer bulğan häm narkotiklar qullanğan. Ülemenä dä tıyılğan matdälär qullanu säbäpçe dip farazlana. Öydä prinśnıñ gäwdäse belän bergä zur külämdä narkotiklar tabılğan.
Şardjada Xalid äl Kasıminıñ ülemennän soñ 3 könlek matäm iğ’lan itelde.
Ğailäneñ räsmi internet säxifäsendä çıqqan belderüdä “Dizayn dön’yası böyek filosof häm sänğat’çene yuğalttı” dip yazılğan.
Şardja ämire şäyex Soltan bin Möxämmät äl Kasıminıñ zur ulı da 1999nçı yılda Angliyäneñ Sasseks cirlegendäge ğailä utarında çiktän tış zur miq’darda geroin qullanıp 24 yäşendä ülgän ide.
Bäyläneşle xäbärlär
İke zuq qara tişekneñ berläşüe açıqlandı
Alarnıñ berse Qoyaştan 50 million tapqır zur, ikençese dä aña yaqın zurlıqta