Rusiyädä su basu can aldı

Rusiyӓdӓ uzğan atnada başlanğan köçle yawım-töşem nӓticӓsendӓ barlıqqa kilgӓn su basu arqasında 12 keşeneñ ğomere özelde.

Rusiyӓ prem’yer-ministr yӓrdӓmçese Vitaliy Mutko Rossiya-24 kanalına İrkutsk töbӓgendӓ küzӓtelgӓn su basular belӓn bӓyle açıqlaw yasadı.

Uzğan atnada başlanğan köçle yawım-töşem kiterep çığarğan su basu nӓticӓsendӓ 12 keşeneñ yaqtı dönyadan kitüen beldergӓn Mutko 9 keşeneñ yuğaluın belderde.

İrkutsk töbӓgendӓge su basular 3 meñnӓn artıq öygӓ zıyan saldı hӓm meñnӓrçӓ keşeneñ imin urınnarğa küçerelüenӓ sӓbӓpçe buldı.

Rusiyӓ dӓwlӓt başlığı Vladimir Putin monnan alda İrkutsk töbӓgendӓge su basular belӓn bӓyle bularaq Bratsk şӓhӓrendӓ ütkӓrgӓn ğadӓttӓn tış cıyılışta su basuda zıyan kürgӓn keşelӓrgӓ aşığıç yӓrdӓm kürsӓtergӓ boyırğan ide.