Hindıstanda su basu afäte

Hindıstannıñ Mumbai şӓhӓre hӓm tirӓ-yağında küzӓtelgӓn köçle yawım-töşem arqasında cimerelgӓn diwarlar 27 keşeneñ ğomeren özde.

Rӓsmi zatlar Mumbaineñ malad töbӓgendӓ ber diwarnıñ cimerelüe nӓticӓsendӓ 18 keşeneñ ülüen hӓm xӓrӓbӓlӓr astında kübrӓk keşeneñ bula alaçağın belderde.

NDTV beldergӓnçӓ Mumbai yanındağı Kalyan şӓhӓrendӓ dӓ ber mӓktӓp diwarınıñ yanındağı ike öy östenӓ kilep töşüe nӓticӓsendӓ aralarında 3 yӓş’lek malay bulğan 3 keşe yaqtı dönyadan kitte.

Maxaraştra vilayӓte prem’yer-ministrı Devendra Fadnavis sośial’ media xisabında ülüçelӓrneñ ğailӓseneñ qayğıları belӓn urtaqlaşıp, yaralanuçılarğa şifalar telӓde.

Diwar astında qalıp, yaqtı dönyadan kitüçelӓrneñ ğailӓlӓrenӓ kompensasiyaneñ tülӓnӓçӓgen ӓytkӓn Fadnavis köçle yawım-töşemnӓr küzӓtelgӓn töbӓklӓrdӓ watandaşlarnıñ uramğa çımawların soradı.

Cirle matbuğat xӓbӓrlӓrenӓ kürӓ köçle yawım-töşem tormışnı tuqtatqan Mumbaida timer yulı liniyasen su bastı, poyezd sӓfӓrlӓre ğamӓldӓn çığarıldı. Köçle musson yañğırlarınnan tӓêsirlӓngӓn Mumbai aêroportında şaqtıy oçqıç sӓfӓre beterelde.

Bügen Mumbai mӓktӓplӓrendӓ yal iğlan itelde.

Şӓhӓrdӓ ber yılğanıñ taşa başlawı belӓn yılğa yanında yӓşӓwçelӓr êvakuaśiyalӓnde.