Tunistağı höcümnär

Tunista kiçä bulğan ike terrorçı höcüme öçen cawaplılıqnı DEAŞ üz östenä aldı. Êkstremist törkemnärne küzätep baruçı Amerikanıñ Siteintel säxifäse bu xaqta terrorçı oyışmanıñ üz internet bitendäge xäbärgä nigezlänep yaza.

Şartlawlar Tunisnıñ başqalasında ber-ber artlı yañğırağan ide. İkese dä iminlek oyışmalarına qarşı oyıştırılğan höcüm. DEAŞ monı üzenä bäyle suğışçılar başqaruın äytä.

Tunis êçke êşlär ministrlığı süzçese Sufyan äz-Zak, belderü yasap, älege höcümnärdä ber poliśiyä xezmätkäreneñ ülüen häm 8 keşeneñ yaralanuın xäbär itte.