AQŞtan İzrail yaqlı adım
Ul törmädän çıqqan Fӓlӓstinle professornı İzrailğa tapşırdı
Xamas Amerika Quşma Ştatlarınıñ 11 yıl törmӓdӓ utırğannan soñ irekkӓ çıqqan Fӓlӓstinle professornı İzrailğa tapşıruın citkerde.
Xamastan yasalğan yazma açıqlawda Vaşington citӓkçelegeneñ İzrail yaqlı totış kürsӓtüe, AQŞta 11 yıl törmӓdӓ utırğannan soñ irekkӓ cibӓrelgӓn Fӓlӓstinle professır Abdulxalim el-Eşgarnı İzrailğa tapşıruı belderelde.
Xamasnıñ AQŞtağı törmӓdӓn çıqqannan soñ Eşgarnı qabul itülӓre öçen qayber illӓr belӓn söylӓşülӓr alıp baruı urın alğan açıqlawda AQŞnıñ bu adımınıñ qabul itelmӓslek buluı hӓm Eşgarnıñ tormışı hӓm iregennӓn Vaşington citӓkçelegeneñ cawaplı buluı citkerelde.
Xamas sӓyӓsi byuro başlığı İsmail Xeniyye dӓ yasağan qısqa açıqlawında Eşgarnıñ İzrailğa tapşırıluınıñ xalıqara xoquqqa qarşı buluın belderde.
Xeniyye xӓrӓkӓtneñ sӓyӓsi mönӓsӓbӓtlӓr ofisına Eşgar dӓğwasın küzӓtü hӓm törle illӓr belӓn êlemtӓ urnaştıru wazifasın birüen açıqladı.
Fӓlӓstinle akademik Abdulxalim el-Eşgar 2007 yılnıñ noyabr’ ayında AQŞta “Xamaska ӓğza bulu hӓm finanslaw” ğayebe belӓn 11 yılğa törmӓgӓ utırtılğan ide.