Zelenskiy - Stoltenberg söyläşüe

Ukraina dӓwlӓt başlığı Vladimir Zelenskiy berençe rӓsmi sӓfӓren Bel’giya başqalası Bryussel’ğa yasadı. Ul biredӓ NATO ğomüm sӓrqӓtibe Yens Stoltenberg belӓn küreşep söylӓşkӓnnӓn soň oyıştırılğan matbuğat oçraşuında açıqlaw yasadı.

Zelenskiy Ukrainanıň Awrupa Berlege hӓm NATOğa tulı ӓğzalek maqsatınıň üzgӓrmӓwen belderep, ilen Awrupa hӓm Yevro-Atlantikka integraŝiyalӓrgӓ tırışaçağın açıqladı.

Rusiyӓ belӓn barlıqqa kilgӓn kiyerenkelekkӓ tuqtalıp Zelenskiy: “Rusiyӓ belӓn söylӓşülӓrne başlatırğa, Minsk kileşüen ğamӓlgӓ kertergӓ ӓzer bez. Monıň belӓn ber rӓttӓn üzebezne saqlıy aluıbız hӓm iqtisadi, sӓyӓsi hӓm xӓrbi ölkӓdӓ nığuıbız kirӓk,” – dide.

Stoltenberg isӓ Ukrainanı qimmӓtle partnyer itep taswirlap, Ӓfğanstan hӓm Kosovadağı NATO missiyalӓrenӓ kertkӓn öleşlӓre öçen rӓxmӓten belderde.

NATOnıň Ukrainanıň cir bötenlegen hӓm möstӓqillek xoquqların xuplawın assızıqlağan Stoltenberg: “Berlektӓşlӓr Rusiyӓneň Qırımnı qanunsız yawlawın tanımıy hӓm Qara diňgezdӓge höcümçe totışın ğayepli,” – dide.

Ukraina dӓwlӓt başlığı Bryussel’dağı söylӓşülӓre qısalarında Awrupa Berlege Komissiyase başlığı Jan-Klod Yunker belӓn dӓ matbuğatqa yabıq söylӓşü ütkӓrde.