Pompeo - Merkel' oçraşuı
AQŞ däwlät särqätibe Mayk Pompe Berlinda
Germaniya kanŝlerı Angela Merkel’ räsmi säfär qısalarında başqala Berlinğa kilgän AQŞ däwlät särqätibe Mayk Pompeo belän küreşep söyläşte.
Merkel’ Pompeo belän Ministrlar kabinetındağı söyläşüennän alda matbuğat oçraşuı ütkärde.
Mayk Pompeo belän şaqtıy problemanı qarayaçaqların açıqlağan Merkel’ bolarnıň Äfğanstan, Süriyä, Liviya, Rusiyä häm Ukrainanıň kiläçäge kebek mäs’älälär buluın assızıqladı.
Angela Merkel’ 45 minut däwam itäçäk söyläşüdä ayıruça terrorçılıqqa qarşı köräştä xezmättäşlek mäs’äläsen dä quzğataçaqların citkerde.
AQŞ däwlät särqätibe dä Germaniyaneň AQŞ öçen möhim partnyer häm berlektäş buluın äytte.
Pompeo: “İllärebez aldında NATOlı partnyerlarıbız häm barlıq berlektäşlärebez belän dönyada totrıqlılıq, tınıçlıq häm iminlekneň urnaşuı öçen başqarıluı zarur möhim êşçänleklär bar,” – dide.
