Perudağı cir teträw
Anı kürşe däwlätlär dä xis itkän
1208455
Peruda 8 ball zurlığındağı cir teträw buldı. Berençel mäğ’lümatlar buyınça, tabığıy qazada ülüçelär yuq. Qayber şähärlärdä binalar işelde, yortlar zarar kürde.
Peru däwlät başlığı Martin Viskarra sośial’ media aşa belderü yasadı häm cir teträw bulğan urınnarda êşçänleklärneñ däwam itüen äytte.
Teträw bigräk tä Lagunas rayonında nıq xis itelgän.
Yurimaguas şähärendä bik küp bina işelgän häm ut betkän.
Başqala Limada cir teträwne sizüçelär uramnarğa yögerep çıqqan.
Teträwne kürşe däwlätlär Braziliyä, Kolumbiyä häm Êkvadorda da xis itkännär.
