AQŞ Yaqın Könçığışqa tağın xärbilär cibärde

AQŞnıñ saqlanu ministrlığı Pentagon, İran belän kiyerenkelek artqannan soñ, Yaqın Könçığışqa “Arlington” xärbi köymä - amfibiyäsen häm Patriot hawa saqlanu batareyasın kiterde. Alar atna başında cibärelgän “Abraxam Linkol’n” qorabı belän 4 atom-töş bombardir oçqıçı maqsat törkemenä quşılaçaq.

Pentagonnan yasalğan belderüdä: “Saqlanu ministrlığı İran rejimı, armiyäse häm yardam itüçe köçlärneñ ğamällären yaqınnan küzätä,”-diyelä. AQŞ İrannıñ qayber Amerika ob’yektlarına höcüm itärgä planlaştıruın farazlıy.  Şuña kürä Farsı qultığı regionına xärbi nığıtu cibärä.