Täbriz bazarında yanğın

İrannıñ Täbriz qalasındağı tarixi Täbriz bazarında yanğın çıqqan.

İranlı uquçı yäş’lär xäbär agentlığı ISNA beldergänçä, bazarda tönge säğät’lärdä barlıqqa kilgän yanğında 29 keşe yaralanğan , 100 dän kübräk kibet zıyan kürgän.

Täbriz dönya mirasınıñ mäğ’lümat bazası mödire Xösäyen İsmail Sengeri cirle waqıt belän 22 säğät’tä başlanğan yanğınnıñ yaqınça 8 säğät’tän soñ ğına sünderelüen beldergän.

Tarixı yaqınça 10 ğasır êlekkegä barıp totaşuçı Täbriz bazarı dönyanıñ iñ zur bazarı bularaq belenä.

2010 nçı yılda YUNESKOnıñ Bötendönya mirası isemlegenä kertelgän älege bazarda 5500 kibet bar.

Täbriz bazarı iskitkeç arxitekturası belän dä iğ’tibarnı cälep itä.