AQŞ çikläwlärne arttıra

AQŞ däwlät başlığı Donal’d Tramp İranğa timer, qorıç, baqır häm alyuminiy tarmaqlarına qarata çikläw kertüçe ilbaşı qararın imzaladı.

Aq Yort qararnamäne yazma açıqlaw belän citkerde.

Moňa kürä AQŞ citäkçelege İrannıň timer, qorıç, alyuminiy häm baqır tarmaqların maqsat itep aluçı çikläwlärne ğamälgä kertä.

AQŞnıň İran belän atom-töş kileşüdän çigelüeneň 1 yıllığına turı kilgän qararnamä turında Tramp tübändägeçä belderde: “İrannıň neft’tän tış iň möhim êksport keremnäre çığanağı bulğan timer, qorıç, alyuminiy häm baqır tarmaqlarına çikläwlär kertüçe ilbaşı qararına qul quyam.”

Tramp İrannıň atom-töş kileşü barışında terror oyışmalarına yärdäm kürsätüne däwam itterüen, raketalar yasawın häm töbäktäge bäreleşlärdä rol’ uynawın äytte.

Tramp citäkçelege 2018 yılnıň 8 may könne İran belän 2015tä imzalanğan atom-töş kileşüdän çigelüen açıqlağan ide.