72 yäş'lek säyäxätçe okeannı kiçte

72 yäşendäge franśuz Jan-Jak Savin üze yasağan miçkäsıman kapsulada Atlantik okeannı ütä aldı.  

Franśuz xäbär agentlığı AFP yazğança, säyäxätçe bu säfären başqarıp çığuı turında êlektron poçta aşa beldergän. Anda bolay dip yazıla: “122 kön 9 säğat’ barğan yulçılıqtan soñ Karib diñgezendä buluımnı kürsätüçe meridiannı üttem. Okean buyınça säfärem tamamlandı”.

Savin xäzerge waqıtta Florida yünäleşendä yözüen, anda üzen miçkäse belän bergä alıp xatını häm dusları kötep toruçı Martinikka iltäçäk yök korabı tabırğa teläwen dä äytä.

72 yäş’lek Savin kiläçäktä Angliyä kanalın yözep ütärgä planlaştıruın da belderde.

Säyäxätçe 3 metr ozınlıqtağı 2 metr diametrlı 450 kilolıq miçkä yasıy. Kapsula sumala belän qaplanğan faneralardan êşlängän. Ul dulqınnar häm kitlarnıñ höcümnärenä qarşı tora aluçan.