Afrikada dron belän daru taratalar

Gananıñ yıraq regionnarındağı 2 meñ klinikağa dön’yanıñ iñ kiñ külämle dron taratu çeltäre yärdämendä daru, vakśina häm qan iltälär. Keşesez hawa apparatı barıp citü awır bulğan cirleklär öçen ayıruça uñay. Ul yartı säğat’ êçendä - kiräkle urında.  

Zipline şirkäte dronnar yärdämendä 150 tördäge daru häm vakśinanı xastaxanälärgä iltä. Firma 2016nçı yılda Ruandada keşesez häm aldan programmalanğan hawa apparatları belän qan taşu xezmätenä dä kereşkän ide.  Şirkätneñ soñğı proyektı näticäsendä Gana häm Ruandanıñ här töbägenä säğatenä 110 kilometr tizlek belän xäräkät itüçe dronnar kiräkle medikamentlarnı iltä. Monıñ öçen xastaxanä xezmätkäreneñ qısqa xäbär cibärüe genä kiräk. Älege proyekt Bötendön’ya sälamätlek saqlaw oyışması tarafınnan täêmin itelüçe darularnı tarata häm küp kenä xalıqara yärdäm oyışması tarafınnan finanslana.