Greśiyädä nemeś bayrağın kütärüçelärgä - törmä

Greśiyäneñ Krit utrawında grek bayrağın töşerep, urınına Germaniyä bayrağın kütärgän 2 nemeś ofiśerı mäxkämä qarşına çıqtı. Alarnı 3 yıllıq sınaw waqıtı belän 10ar ayğa ireklärennän mäxrüm ittelär.

Greśiyä mediasında urın alğan xäbärlärgä qarağanda, ofiśerlar NATO bazasında xezmät itä. İkesenä dä 23 yäş’lär tiräse. Alar Stavros borınında ber qıyadağı Greśiyä bayrağın Germaniyäneke belän alıştıra. Monı kürep aluçılar poliśiyägä xäbär itä. Nemeś ofiśerların kiçekmästän saq astına alalar.

Xökem itelüçelär mäxkämädä naçar niyätläre bulmawın häm uylamıyça xäräkät itülären söyli. Alarnı däwlät simvolların mısqıllawda ğayeple dip taptılar.

Ofiśerlarnı cäzaların ütü öçen illärenä qaytarıp cibärdelär.