İzrailneñ Aynı "yawlawı" uñışsız buldı

İzrailneñ Ayğa keşesez hawa apparatı meñgezergä mataşuı unışsız tögällände. Älege cihaznı İzrail üze yasağan. “Başlanğıç” isemle apparat belän êlemtä Cirneñ iyärçenenä utırtu barışında özelä. Ayğa utıru öçen xäräkät itkändä anıñ motorı bozıla. Apparatnıñ Ay öslegenä kilep bärelüe farazlana.  

Uñışsız kereşüdän soñ xökümät räise Bin’yamin Netan’yaxu çığış yasap, täcribälärne däwam itäçäklären häm İzrailneñ ike yäisä öç yıl êçendä monı başqarıp çığaçağına ışanuın belderde.

“Başlanğıç” apparatı Amerikanıñ ğaläm apparatı häm raketa çığaruçısı SpaysXnıñ Falkon 9 raketası belän 21nçe fevral’dä Floridadan oçırtılğan ide.

Ker yuu maşinası zurlığındağı ğaläm apparatınıñ awırlığı 585 kilogramm häm êçendä yözlärçä śifrlı dokument yöklängän timer aqça zurlığındağı kapsula bar ide. Anda İzrailneñ milli simvolları häm qayber mädäni materiallar urın alğan.  

Apparat Cirneñ iyärçenenä uñışlı töşep utırsa, İzrail AQŞ, Rusiyä häm Qıtaydan soñ Ayğa ğaläm korabı meñgezgän dürtençe däwlät bulaçaq ide.

Xäyriyäçelär tarafınnan finanslanğan ğaläm apparatınıñ bäyäse 100 million dollarğa citkän.