Tınıçlıq kileşüe şurası qorıldı

Ӓfğanstanda Taliban oyışması belӓn tınıçlıq urnaştıru söylӓşülӓren alıp baraçaq Tınıçlıq kileşüe şurası qorıldı.

Ӓfğanstan İlbaşı idarӓsennӓn yasalğan açıqlawda sӓyӓsӓtçelӓr hӓm partiya liderlarınnan toruçı Tınıçlıq kileşüe şurası wӓkillegeneñ qorıluı belderelde.

Ӓfğanstannıñ êlekke dӓwlӓt başlığı Xamid Karzai da aralarında bulğan Tınıçlıq kileşüe şurası wӓkillege ilbaşı Eşref Gani belӓn küreşep söylӓşte.

Açıqlawda şuranıñ Taliban wӓkillӓre belӓn tınıçlıq urnaştıru söylӓşülӓren alıp baraçağı citkerelde.

Tınıçlıq kileşüe şurasınnan yasalğan açıqlawda şura wӓkillegeneñ 19-21 aprel’ könnӓrendӓ Qatarda Taliban wӓkillӓre belӓn küreşӓçӓge belderelde.

Söylӓşüdӓ Ӓfğanstan İslam cömhüriyӓte sistemasınıñ saqlanuı, saylawnıñ uzuı, Töp qanunnıñ, xatın-qız xoquqlarınıñ hӓm matbuğat iregeneñ saqlanuı qaralaçaq.

Taliban oyışması isӓ Taliban wӓkillegeneñ Qatarda Ӓfğanstan xökümӓten wӓkillek itep berkem belӓn dӓ küreşmӓyaçӓgen, lӓkin ӓfğan sӓyӓsӓtçelӓr belӓn şӓxsӓn söylӓşü ütkӓrӓçӓgen açıqladı.