Qaşıqçı ğailäse: "Däğ'wada kileşü yuq"
Üterelgän jurnalistnıñ ğailäse däğ'wanıñ däwam itüen häm anı tuqtatu öçen berkem belän dä kileşmäwlären söyläde
Soğud Ğaräbstanınıñ İstanbuldağı konsullığında üterelgän jurnalist Cämal Qaşıqçının ğailäse cinayät’ däğ’wasında bernindi kileşü mäs’äläse turında söyläşmäwlären belderde. Ulı Sälax Qaşıqçı Twitter xisabında yazma urnaştırıp däğ’wanıñ däwam itüen äytte. “Älege êş qısalarında monnan alda hiçber räweştä kileşü mäs’äläse söyläşelmäde häm xäzerge waqıtta da mondıy oçraşu bulmawın assızıqlarğa telibez,”-dide ul. Sälax beldergänçä, alar Qaşıqçınıñ varisları häm ğailäse bularaq bu cinayät’ne êşlägän, qatnaşqan, öleş kertkän yäisä nindider bäyläneşe bulğannarnıñ xökemgä tartıluın häm cäzasın aluın teli. Şuna kürä, ul bu turıda mäğ’lümatı häm dälile bulğannarnı mäxkämägä xäbär birergä çaqıra.
Salax keşelärneñ Qaşıqçı êşendäge neçkäleklärne belergä teläwen añlawın, ämma xoquqıy bularaq röxsät itelgännän soñ ğına alarnı cämäğat’çelek belän urtaqlaşaçağın da äytä.
