Liviyädä bäreleşlärdä 47 keşe ülde

Yaña watandaşlar suğışı yanawı astındağı Liviyädä bäreleşlärdä 3 köndä 47 keşeneñ ğomere özelde, 181e yaralandı. Bu xaqta Bötendön’ya sälamätlek saqlaw oyışması süzçese Tarik Yasareviç belderde. Ul ülüçelär arasında awır xäldäge keşelärgä yärdämgä kilgän ike tabibnıñ da buluın äytte. Sälamätlek saqlaw oyışmalarında êşläwçelärgä höcüm xalıqara keşe xoquqların boza.  Yasareviç regiondağı xastaxanälärdä bäreleşlär başlanğançı uq naçar wäzğıyät’kä qarşı çaralar kürelüen xäbär itte.   

Şul uq waqıtta, BMO yuğarı komissariatı süzçese Babor Balox Liviyädä saq astı märkäzlärendä 5 meñ 700 qaçaq häm möhacir buluın belderde. Räsmi bulmağan sannar tağın da zurraq bulırğa mömkin.

Liviyä könçığışındağı xärbi köçlärneñ liderı general Hafter 4nçe aprel’dä Tripolinı basıp alu öçen höcüm yasadı. Şunnan soñ Milli kileşü xökümäte şurası räise Fayiz äs-Serrac berlekläre belän ike arada dähşätle bäreleşlär başlandı.